بن کے نور نظارے رات
ونڈدی چین سہارے رات
ہم ہما کے نھیرے آون
زُلفاں جدوں کھلارے رات
ایہہ تے چٹا دن دسے گا
کی کُجھ کر گئی کارے رات
لے لے باہاں وچ اکلاپے
چن نوں واجاں مارے رات
دن وی لنگھیا یاداں دے وچ
کٹی گن گن تارے رات
ونڈدی رہندی میرے دکھڑے
آ کے ندی کنارے رات
شرفی وانگوں وچ فراقاں
رو رو رات گزارے رات
اشرف یوسفی
No comments:
Post a Comment
Note: only a member of this blog may post a comment.