ٹھنڈیاں مِٹھیاں چھاواں پنڈ
ون سونیاں تھاواں پنڈ
چُوں چُوں کرنی چڑیاں نیں
کاں کاں لانی کاواں پنڈ
انج تے حالے آنا نہیں
تُوں آکھیں تے آواں پنڈ
نظم اے کہنی سوہنی جئی
رکھ کے میں سرناواں پنڈ
پُتر ٹُر گئے شہراں نوں
دھکے کھاون ماواں پنڈ
عدل کریں اوہ نمبردار
کھا نہ جان بلاواں پنڈ
دُکھ توں دتے کلی نیں
سُنڑدائے ہوکے ہاواں پنڈ
اوہ جے مینوں سدے زین
نسدا اوہدے جاواں پنڈ
زین جٹ
No comments:
Post a Comment
Note: only a member of this blog may post a comment.