جیوں جیوں کوٹھے اچے ہندے جاندے نے
تؤں تؤں بندے چھوٹے ہندے جاندے نے
پیار دی دنیاں اندر جہڑے چلدے سن
اوہ سِکے وی کھوٹے ہندے جاندے نے
ربا! میرے پاک وطن دی خیر کریں
ذہناں دے تے ٹوٹے ہندے جاندے نے
راہواں وچوں کنڈے چگ چگ تھک گیا واں
زخمی انگلاں پوٹے ہندے جاندے نے
وڈیاں وڈیاں شملیاں والے سبھ لیکھک
ہن بے پیندے لوٹے ہندے جاندے نے
اکبر کاظمی
No comments:
Post a Comment
Note: only a member of this blog may post a comment.