بدلاں نے کیتا بے آسا، فر مینوں
اکھاں نے نئیں رکھیا پیاسا فر مینوں
دکھ نے پتھر کر دتا اے لکھ بھانویں
زندہ کر دے گا اک ہاسا، فر مینوں
پنج تن پاک دے خیمے لا کے آیا واں
پہلاں ویکھ لے میرا پاسا، فر مینوں
بھرناں پے گا اپنی ڈھیر دعاواں نال
اج اسمان دا خالی کاسا، فر مینوں
فر مینوں کوئی جی نئیں لبھا گھر دے وچ
راہ تے ملیا پکھی واسا، فر مینوں
پنج سالاں دے وعدے اتے یار ظفر
جینا پے گا اک بھرواسا، فر مینوں
ظفر اقبال
(چونیاں والے)
No comments:
Post a Comment
Note: only a member of this blog may post a comment.