سوچ کے بکرامنڈی ٹُر پئے بکرا لے کے آواں گے
کھا کھا کُکڑ تھک گئے آں ہُن عید تے بکرا کھاواں گے
ماڑا لیلا ویکھ کے اوتھے قیمت پُچھی لیلے دی
آکھن لگے ایہئ لیلا رونق سارے میلے دی
گل سُن کاکا! اینا تھوڑا ریٹ اسیں نئیں دسی دا
اونج تے لیلا لکھ دا ساڈا، تیری خاطر اسی دا
میں کیا سُن کے وے وِیرا کیا بات اے تیرے لیلے دی
ہُن ایویں لُٹ کے لے جاواں میں رونق سارے میلے دی
لکھ وی ایدا تھوڑا اے توں اپنا ریٹ وَدھا کے رکھ
میں وَیہڑے حصہ پا لاں گا تُوں ایتھے رونق لا کے رکھ
زوہیب ارشد
No comments:
Post a Comment
Note: only a member of this blog may post a comment.