اوڈاں دا گاؤنڑ
تُوں اوڈ تے میں تیڈی اوڈنڑیں
نت ہوڈ پرم دی ہوڈنڑیں
نت اپنڑیں ہٹھ ہٹھاونڑویں
میں چُنی لال رنگاونڑویں
تیکوں دل دے حال سنڑاونڑے
تیڈے کھٹ تے پیر دُھواونڑے
تیڈے پیریں چھاں وچھاونڑیں
میں چُنی لال رنگاونڑیں
میں تاں سجھ دے ہتھ وکاونڑاں
میں تاں دُھپ دا شاہر وساونڑاں
ساری عمراں دُھپ ہنڈاونڑویں
میں تاں چُنی لال رنگاونڑویں
تیڈی جُھگی تُوں ست ماڑ وے
تیڈے سر توں ڈھولنڑ یار وے
سارے جگ دی ویل وتاونڑیں
میں تاں چُنی لال رنگاونڑویں
اشو لال فقیر
No comments:
Post a Comment
Note: only a member of this blog may post a comment.