تختی، قلم، دوات وی تُو
ذات دے اندر ذات وی تُو
تُو غوث، قطب، قلندر وی
تُو علی، حسین، سکندر وی
تُو باہر تے تُو اندر وی
کاتب، کتاب تے بات وی تُو
تختی، قلم، دوات وی تُو
سچے منصور نوں سُولی چایا
ننھے اصغر تے تیر چلایا
گھنگھرو پَوا کے شاہ نچایا
ہُن دیندا اسمِ ذات وی تُو
تختی، قلم، دوات وی تُو
قبر، قفس، کفن وی تُو
فاتحہ، قاری، دفن وی تُو
جِند جان، عمر تے موت وی تُو
دل، دھڑکن تے جذبات وی تُو
تختی، قلم، دوات وی تُو
تُو مشرق، مغرب، محور وی
راہی، رستہ، تے رہبر وی
حُب، مُحب، محبوب وی تُو
نفی وی تُو اثبات وی تُو
تختی، قلم، دوات وی تُو
نامعلوم
No comments:
Post a Comment
Note: only a member of this blog may post a comment.