ایہہ تن سُکّے رُکھ ورگا اے
جہدے ہیٹھاں جھاڑی اُگے
یا کوئی ویل ولاواں پاوے
ایہدیاں سُکیاں شاخاں اُتے
لوکیں آ کے دھاگے بنھن
بھر کے تیل تے دِیوے بالن
سدھراں دے ہنجو چھلکاون
پانڑ مراداں یا نہ پاون
یا فر بنھیاں گنڈھاں کھولن
ایہنوں فرق نہ پیندا کوئی
بدّل گجّے یا نہ گجّے
بھاویں سالاں مینہہ نہ وسے
ورہیاں تیکر دُھپ نہ جاوے
چھاں دا کدھرے ناں نہ آوے
نھیری جھکڑ جو وی ہووے
اس نوں بھورا خوف نہ ہووے
راہ جاندا کوئی ویکھ کے ہسّے
یا اس دی حالت تے رووے
مُک گئیاں سب ایہدیاں لوڑاں
سُکّے رُکھ نوں کاہدیاں تھوڑاں
ماوٰی سلطان
No comments:
Post a Comment
Note: only a member of this blog may post a comment.