جہاں دے مالکا ایسے طراں حسینؑ دا غم
میں ساری عمر تے ساہ ساہ کراں حسین دا غم
جدوں تریہہ میری جان تے بنا دیوے
بھراں میں ہوکا تے اگے دھراں حسین دا غم
ایہہ میرے لفظ میرے پر نیں انتظار کرو
اجے تے دوستو! کرنائیں پراں حسین دا غم
کوئی جے ونڈدا نظر آوے تے حسین دی سونہہ
لٹاواں مال تے جھولی بھراں حسین دا غم
ڈرن اوہ اگ توں جنہاں دا حسین وارث نئیں
کلیم کول اے تے کیوں ڈراں، حسین دا غم
تجمل کلیم
No comments:
Post a Comment
Note: only a member of this blog may post a comment.