ماء وی تریمت دِھی وی تریمت
بھین اتے بھرجائی وی تریمت
محبوبہ تے دھرتی وانگوں
دھرتی ماء دی جائی وی تریمت
تریمت رب دی طرفوں بخشی
رب دی ایجھی سوہنی نعمت
جیڑھی پاک رسولؐ دے کیتے
سڈویندی ہے رب دی رحمت
جیندا ہر ہک روپ نِرالا
جیندا پُکھا بختیں والا
جیندی عزت شان نرالی
جیندا روپ خدا دا بھالا
ایجھے روپ اچ وسن والی
جیکر کہیں کوں ڈکھ سُنواوے
اپنےدل دا حال سُناوے
یا وت اپنا من پرچاوے
اونکوں شہر دے وسدے لوکی
سچ بولن تے کرن ملامت
لب چولن تے ڈیون طعنے
حق منگن تے بھیجن لعنت
غیور بخاری
No comments:
Post a Comment
Note: only a member of this blog may post a comment.