ایہہ دھرتی نِکی کاکی
ایہہ دھرتی نِکی کاکی
میں جوڑاں ٹاکی ٹاکی
سَت رنگ چڑھاواں آپی
ایہدے گل میں لِیڑے پاواں
کاکی دے لاڈ لڈاواں
سر پریت دا پاواں تیل
سبھ رَلیۓ، ہووے میل
جگ ویکھے ساڈا کھیل
پھڑ کنگھی بودا واواں
کاکی دے لاڈ لڈاواں
میں ہؤکے ہنجو ڈولھاں
میں چِت کلیجی گھولاں
ہے ایہدے لئی میں بولاں
ہتھ پشماں مہندی لاواں
کاکی دے لاڈ لڈاواں
ایہدے پیریں کُولی جُتی
کوئی جاگ پوّے نہ سُتی
مَتّ ہو جان گُتو گُتی
میں پیتاں پُھل گنڈاواں
کاکی دے لاڈ لڈاواں
میں آکھاں بن سیانی
نہ وڈی ہووے رانی
نہ سِر توں لنگھے پانی
ایہنوں گودی رکھ کھڈاواں
کاکی دے لاڈ لڈاواں
شکیلہ جبیں
No comments:
Post a Comment
Note: only a member of this blog may post a comment.