پچھے رہ جائے کرماں ماری بُھکھ توں اگے لنگھو
چاہواں دا کوئی شہر وساؤ دُکھ توں اگے لنگھو
خودداری نال جیون دا ول سِکھ لو دنیا اُتے
پیریں پینکھڑ پائے جو اس سُکھ توں اگے لنگھو
مر کے ملے جے نویں حیاتی موت نوں سینے لاؤ
جیہڑا کل دا روگ بنے اُس دُکھ توں اگے لنگھو
ہنجواں دا دے دے کے پانی پالیا جے رُکھ جیہڑا
ٹھنڈی چھاں نہ دے تے فر رُکھ توں اگے لنگھو
اقبال راحت
No comments:
Post a Comment
Note: only a member of this blog may post a comment.