تصویر جو سامنڑے آ گئی ہے
من مونجھے کوں پرچا گئی ہے
اے رِم جِھم بدلی ساونڑ دی
کئی سُتڑے درد جگا گئی ہے
کِڑوا جو تھئے اِناں قطریں دا
ہنجھ ڈُسکی اَکھ وِچ آ گئی ہے
کِھل کُوڑی ہئی ناسمجھیا کئی
اے درد دی چوبھ ڈسا گئی ہے
اوندی یاد ہئی پہریدار میڈی
اج اوہا وی مُکلا گئی ہے
اے مہنیہ دی کنڑی بھاگ بھری
بھویں سِکدی کوں رجا گئی ہے
تیڈے خواب تبسم ڈہھیدی ہے
او کملی آپ الا گئی ہے
رضوانہ تبسم درانی
No comments:
Post a Comment
Note: only a member of this blog may post a comment.