جدید پنجابی سرائیکی شاعری
کُونج کویتا
بندہ اپنڑے انت اچ ہک ہے
رب سائیں دی سِک ہے
بھانویں جیہڑا نام رکھاوے
جیہڑی رُت اچ وسے
ہر بندے دے مُلک دا نقشہ
اُندے تن تیں ہوندے
ہر کوئی اپنڑے چھوٹے لا دے
نکھڑیاں کوں بہہ روندے
کہیں کندھی تیں رہ گئی سسی
کہیں کندھی تیں سِیتا
ڈو رُتاں دی ادھ اچ بندہ
جیویں کُونج کویتا
من وِچ درد سمندر سانجھے
تن تیں نیل نروئے
جیہڑے اپنڑے ساتھ توں نِکھڑے
نِت پردیسی ہوئے
اشو لال فقیر
No comments:
Post a Comment
Note: only a member of this blog may post a comment.