گُم تھی گئے ہن وستیاں وچوں نانگ کِھڈاونڑ والے
جنگل سارا مل گئے آخر مور نچاونڑ والے
ٹُردے ڈاند کوں چھمک مارنڑ والا ہتھ نئیں نظریا
واہندے ڈاند دے تلے آ گئے ڈاند وہاونڑ والے
اسے ڈر توں اساں اپنڑی وستی کوں نئیں چھوڑا
پتے کے جہئیں بندے ہوسن نویں آون والے
اچنڑ چیتی روہ توں لتھن قِصے والے دیہہ
سَچی مُچی آئے ودے ہِن بندے کھاونڑ والے
جُھمر مارنڑ والے اجرک چیل تے بدھی کھڑن
اجاں حُقہ پیندے بیٹھن دول وجاونڑ والے
ہک ڈینہہ ساریاں سُراں دے وچ روحاں پھوکیاں ویسن
ہک ڈینہہ مُرلی وچوں نِکسن ساکوں گاونڑ والے
مخمور قلندری
No comments:
Post a Comment
Note: only a member of this blog may post a comment.