جدوں ٹٹ جانا دم

 جدوں ٹُٹ جانا دم

اوہنے چھڈ جانا چم

توں آویں جم جم

فیر اگے میرا کم

توں آؤنا تھکی جھکی

میں کھول لینی اَکھّی

فیر بن تیری سکّی

تینوں دھر لینا وکھّی

ہر کھیڈن والے تکّی

گل مٹیاں دی پکّی

پھرے ناواں کولوں اَکّی 

ایہہ پتھراں دی چکّی

تیرا میرا اِک ناں 

رَل ہوواں گے اگانہہ

جیویں دُھپ وچ چھاں 

جیوں پھلاں باشنا

ہُلّے وگ وگ جان 

بات پھُلا دی سُنان

میں مٹی دے جہان 

تینوں دینی اے پچھان

تھاں تھاں میں لکھاواں 

تیرا پتا سرناواں

بن سائیں میں بتاواں 

مِٹھّی بولڑی جزاواں

شکیلہ جبیں