بلھے دا پنجاب
آ بُلھیا تُوں اپنا پنجاب ویکھ لے
ایتھے ترقی تے سڑدے گلاب ویکھ لے
جِتھے پُھل سی بیلا چنبیلی کِھلدے
اج لہُو نال ہوئی اے سراب ویکھ لے
گھنڈ الہڑاں دے کدھرے گواچ گئے
اج چہریاں تُوں اُترے نقاب ویکھ لے
ایتھے نشیاں نے پٹے تیرے گھبرو
رُل گئے وِچ چرساں شراب ویکھ لے
جِتھے پنج دریا سی تیرے شُوکدے
اج سُک گئے راوی تے چناب ویکھ لے
ارشد اعوان
No comments:
Post a Comment
Note: only a member of this blog may post a comment.