پنجابی نعتیہ عارفانہ کلام
کوئی قسمت والا بنڑدا اے مہان مدینے والے دا
ہوندا اے کرم خوش بختاں تے سلطان مدینے والے دا
عرشی بے چین سلامی نوں فرشی بے چین غلامی نوں
اللہ ہی بہتر جانڑدا اے کی شان مدینے والے دا
سر کارؐ دے منن والیاں دی تاریخ گواہی دیندی اے
کر دا اے حکومت دنیا تے دربان مدینے والے دا
طیبہ دے مسافر چلے نیں سوہنےؐ دے در ولے نیں
سوہنےؐ دِیاں یاداں پلے نیں سامان مدینے والے دا
سینے وچ یاد مدینے دی لباں تے نام محمدﷺ دا
میرے تے ظہوری کڈا اے احسان مدینے والے دا
محمد علی ظہوری
No comments:
Post a Comment
Note: only a member of this blog may post a comment.