قسمے ہور دی ہور کہانی ہندی سی
جس لے پنڈ دی شام سہانی ہندی سی
آ بہندے سن دھرتی تے چن تارے وی
جد کسے نے ہیر سنانی ہندی سی
وڈیاں وانگوں سارے عزت کردے ساں
جیہڑی ٹالہی ڈھیر پرانی ہندی سی
لگ جاندا سی کھوہ تے میلہ مِتراں دا
رل کے جس دن کنک پیانی ہندی سی
سد لیاؤناں آہنڈ گوانڈوں بالاں نوں
ماں نے جد وی کھیر پکانی ہندی سی
جا بہندے ساں وڈی نہر دے کنڈھے تے
جس دن کملی اکھ ورچانی ہندی سی
بانگاں ویلے خپرما رب دی رحمے نے
پورے پِنڈ تے چادر تانی ہندی سی
خرم چودھری
No comments:
Post a Comment
Note: only a member of this blog may post a comment.