لیکھاں وچ وچھوڑے دے گئے
ہتھ وی میرے جوڑے رے گئے
مِلدے سانوں روز سی جو
کتھے سجن خورے رے گئے
سانوں ویکھ کہ ہسدے سی جو
نک تے اوناں دے نکوڑے رے گئے
بیلی سچے دشمن ہو گئے جد
ڈھیر دولت دے تھوڑے رے گئے
سجناں ساتھوں رُسیا نا کر
دن زندگی دے تھوڑے رے گئے
ہر موضوع تے لکھیا فر وی
عقلاں دے ورق کورے رے گئے
او نہیں سمجھے شاہین نوں یار
عشق جناں دے کھورے رے گئے
ظہیرالاسلام شاہین
No comments:
Post a Comment
Note: only a member of this blog may post a comment.