نعتیہ کلام
عشق نبیِ دیاں ایسیاں مستیاں چڑھیاں نیں
چل مدینے؛ دل نے پھڑیاں اڑیاں نیں
اوہناں سَکھیاں توں میں صدقے سو واری
جیہڑیاں ماہی دے کُوچے جا وڑیاں نیں
دل نوں لگی رہندی اے تانگھ مدینے دی
نین لگائی رکھدے رِم جھم جھڑیاں نیں
راہواں دے وِچ بھاویں رُل کے مر جائیے
ویکھنا اے شہر مدینہ، ریجھاں بڑیاں نیں
اک دن نال ماہیؐ دے ساریاں کرنیاں نیں
رکھیاں دل وچ کج کج گلاں بڑیاں نیں
راحت! اک دن ملے گا سایہ کملی دا
ہجر دیاں دُھپاں وِچ جہڑیاں سڑیاں نیں
اقبال راحت
No comments:
Post a Comment
Note: only a member of this blog may post a comment.