مٹی نامہ 4
میرے خواباں دی سچی تعبیر مٹی
میرا پیار مٹی میرا پِیر مٹی
میرا مان تران تے جوش مٹی
عقل فہم تے سوچ تے ہوش مٹی
میری انکھ تے عزت تے آن مٹی
میری شوکت تے عظمت تے شان مٹی
میرے کھیتاں دا رنگ نِکھار مٹی
میرے باغاں دی سوہنی بہار مٹی
محنت کشاں دے متھے دا رنگ مٹی
ایہہ کساناں دی الہڑ اُمنگ مٹی
خادم تن تے من سریر مٹی
میرے شعراں دا شروع اخیر مٹی
خادم فرید چشتی
No comments:
Post a Comment
Note: only a member of this blog may post a comment.