تقسیم
وائٹ ہاؤس دے اندر جے کر
کچّی کندھ تے آلا ہوندا
ایفل ٹاور تھلّے جے کر
پکھّی واس دی جُھگی ہوندی
تاج محل دے کھبّے پاسے
سسّی دا کوئی چرخہ ہوندا
لال قلعے دے باگاں اندر
مرزے دا کوئی بوٹا ہوندا
سویٹزرلینڈ دے بینکاں اندر
ساڈا وی کوئی بیلنس ہوندا
تے فیر سائیاں میں وی مندا
ذاتاں وچ تجسیم نہیں ہوندی
دنیا وچ تقسیم نہیں ہوندی
نجم الحسنین حیدر
No comments:
Post a Comment
Note: only a member of this blog may post a comment.