مٹی نامہ 5
نور عرش توں مٹی نوں پئے دھکے
مٹی عرش دی مُڑ طلبگار بن گئی
جلوہ طور دا مٹی دا ہار ہو یا
طلب نور دی مٹی دا پیار بن گئی
سماں بیتیا فرش تو عرش تیکر
پوڑی پریت دی فیر وچکار بن گئی
روپ رانجھے دا جلوہ افروز ہویا
مٹی ہیر دا سولہ سنگھار بن گئی
نوری روح دا بنیا مکان مٹی مٹی
عشق سندا شاہکار بن گئی
نغمہ عشق تے روح رباب بنیا
عقل مئے تے مٹی میخوار بن گئی
خادم فرید چشتی
No comments:
Post a Comment
Note: only a member of this blog may post a comment.