اِکو گل نُوں پھڑ کے بیٹھا ہویا سی
رب آدم نال لڑ کے بیٹھا ہویا سی
تُوں تاں آ کے لوواں نُوں اگ لانی سی
اندروں تے میں سڑ کے بیٹھا ہویا سی
نوِیں سواری کی جانے اس سیٹ اُتے
کِناں چِر میں کھڑ کے بیٹھا ہویا سی
شام نُوں اوہ پَیراں نال ہُجھی آؤندا ہا
ڈینہہ موڈھے تے چڑھ کے بیٹھا ہویا سی
اس وہ چِٹے سوٹ اچ آؤنا ہا عالم
میں وی کلمہ پڑھ کے بیٹھا ہویا سی
زوہیب عالم
No comments:
Post a Comment
Note: only a member of this blog may post a comment.