کچیاں کنداں کچے کوٹھے ہوندے سن
فیر وی لوکی گوہڑی نیندر سوندے سن
ہن تے دوروں ویکھ کے مُکھ پرتا لیندے
جہڑے ساڈیاں راہواں وچ کھلوندے سن
اوہنوں دسیں، اکھاں انھیاں کر بیٹھے
جہڑے جھلے اکھیں خواب پروندے سن
سنیا اے اج ہسدے نے اوہ کھڑ کھڑ کے
ساڈا ناں لے لے کے کل تک روندے سن
یاد رہی بس مینوں ٹپ ٹپ پانڈیاں دی
ادھی راتی جد وی کوٹھے چوندے سن
اک دوجے دی غیرت سانجھی ہوندی سی
پگاں دے کے پگاں یار وٹوندے سن
میں تے ارشد اوہ ویلا وی تکیا اے
ہتھ نئیں لوکی دل تے دل ملوندے سن
ارشد محمود
No comments:
Post a Comment
Note: only a member of this blog may post a comment.