ڈاہڈی تیری لوڑ خدایا
تیری سوہنی دھرتی اُتے
ڈُبدے پئے نیں لوک
خدایا! دریاواں نُوں روک
ویکھ وچارے بُھکھے پیاسے
اُچی اُچی روندے روندے
ویکھ رئے نیں آسے پاسے
پارلیمنٹ چ کِھڑ کِھڑ ہاسے
ہمدردی دے دعوے دار
کتھے مَر گئے نیں غمخوار
کوئی لندن وِچ کوئی کنیڈا
کسے نُوں ایتھے ای ویلھ نئیں مِلدی
ویکھ خدایا
لوک وچارے
آپ اپنی امداد کریندے
نالے تینوں یاد کریندے
ہور کوئی تے آیا ناہیں
تُوں ای چھیتی بوہڑ خدایا
ڈاہڈی تیری لوڑ خدایا
ڈاہڈی تیری لوڑ
احمد نعیم ارشد
No comments:
Post a Comment
Note: only a member of this blog may post a comment.