تیرے اگے خواب دیا تصویراں رکھاں
دس کھاں ہن توں آکھیں تے تعبیراں رکھاں
جے میں چاہواں تے اج چھڈ کے ٹُر جاناں واں
بھن کے پیروں عشق دیاں زنجیراں رکھاں
تیرے وانگ دیاں کجھ پہلے ہو گیاں نیں
پر تیرے توں کنیاں سسیاں ہیراں رکھاں
کِکراں اتے ٹنگیاں ہوئے عشق دے قصے
اوتھے میں وی پاڑ کے اپنیاں لیراں رکھاں
دل کردا اے توں لبھ جاویں ٹردیاں ٹُردیاں
تیرے ہتھ دے کالجہ اپنا چیراںُ، رکھاں
اعزاز کاظمی
No comments:
Post a Comment
Note: only a member of this blog may post a comment.