میری تاں جان ہے آسمان دا اوہ ٹکڑا

 آسمان دا ٹکڑا

میری تاں جان ہے آسمان دا اوہ ٹکڑا

جو روشندان وچوں پلَم آؤندا ہے

سخت کندھاں تے سیخاں دا وی لحاظ نہیں کردا

اوہ تاں چاہندے ہن

کہ میں اس ٹکڑے دے آسرے ہی جیواں

تاں پھر کنہدے کیوں نہیں ایس نوں

کہ تھائیں ہی جم جاوے، نویلے رنگ نہ بدلے

دیکھو ایہہ ٹکڑا ہر گھڑی رنگت بدلدا ہے

ایہدے ہر رنگ دے لڑ لگیا ہے حسن رتاں دا

ذرا پچھ دیکھو اس ٹکڑے نوں موسم نال نہ بجھے

وگاہ مارے ایہہ اپنے جسم توں

رتاں دے پرچھاویں

ایہہ ٹکڑا تاں اپنے موڈھیاں تے

پورا آسمان ہی چکی پھردا ہے

پاش

اوتار سنگھ سندھو