ہو جانے نیں اج سویرے
اس دھرتی تے رج سویرے
سبھ توں پہلاں ماں ول تک لئیں
کرنا ای جے حج سویرے
کُجھ تے مُکھ توں رات ہٹادے
اینے وی نہ کج سویرے
رہندا نہیں اے شام نوں جا کے
جو ہُندا اے وج سویرے
شُکراے رب دا اج وی آکے
رکھ لیندے نیں لج سویرے
ہُن تک چانن ہو جانا سی
ہُندے جیکر جج سویرے
سارے جگ نوں رل کے سندھو
ونڈئیے بھر بھر چھج سویرے
ارشاد سندھو
No comments:
Post a Comment
Note: only a member of this blog may post a comment.