پتلے نک تے غصہ پھبدا
تینوں تیرا نکھرا پھبدا
شیشے ورگے تیرے تن تے
ہر اک رنگ دا کپڑا پھبدا
کالا جوڑا سب نوں بھاوے
تینوں جگ توں وکھرا پھبدا
اڈی والی جتی جچدی
اس توں ودھ کے کھسہ پھبدا
ہتھ اچ کھنکن کچ دیاں ونگاں
وچ کنگن سونے دا پھبدا
تیرے بُلاں نوں چُمدی سُرخی
تیری اکھ اچ سُرمہ پھبدا
تو پنجاب دی او مٹیار ایں
جس نوں بھارا جُسہ پھبدا
زاہد عباس
No comments:
Post a Comment
Note: only a member of this blog may post a comment.