اپنے ہتھیں آپ اُجاڑا کیتا اے
ہسدے وسدے گھر نوں اکھاڑا کیتا اے
میں تے اپنا آپ لُٹائی پھردا ساں
ویسے لیکھا تُوں وی ماڑا کیتا اے
پُتر نہ سہی دِھی دا دَھن ای دے دیوے
اج دعا نئیں کیتی، ہاڑا کیتا اے
او ہسے تے مردا مردا جی پیناں
غیر نے کیڑی گل دا ساڑا کیتا اے
اکمل رُکھ تے سپ ای چڑھیا ہونا اے
تاں پکھوئاں نے چیک چکاڑا کیتا اے
اکمل چودھری
No comments:
Post a Comment
Note: only a member of this blog may post a comment.