نہ کوئی کھوتے کھاندا سی
نہ کھادوں دودھ بناندا سی
نہ چورناں کُتی رلدی سی
نہ لُچی بڑ بڑ کردی سی
نہ فتوے ہتھ پلیتاں سن
نہ وکھو وکھ مسیتاں سن
نکی نکی گل تو ہسناں
اکو ویہڑے ٹبر وسناں
گرمی شرمی ٹھنڈ نہ لگیی
چلہے ای اگے محفل سجنی
دو دو کھچ پرونٹھے کھانے
لسی دے بھی کول چڑھانے
اک پرونٹھا نال لے جان لئی
ادھی چھٹی ویلے کھان لئی
چوپڑ کے سر، سُرمہ پا کے
بستہ شستہ موہڈے لا کے
ٹُر کے جانا ول سکولے
ماں ٹھر جانا گھل سکولے
گھڑ گھڑ کانے نب بناونی
تختی اُتے گاچی لاونی
ٹاہلیاں تھلے بہہ کے پڑھنا
چھانویں ٹھرنا، دُھپے سڑنا
پانی شانی کھال چوں پینا
رو کے پڑھنا، ہس کے جینا
چھٹی ویلے کٹھے ہو کے
لینوں لینی سب کھلو کے
دونی دینی وچ کھلار
اک دونی دونی دو دونی چار
فیل شیل جے ہو ہو جانا
ماسٹر صاحب تے مدعا پانا
اٹھ جماعتاں وڈی گل سی
دس کر لو تے پی ایچ ڈی
نہ بجلی نہ گیس سے
اج توں بُہتی عیش سی
ہُن وائی فائی پردھان اے
ٹچ سسٹم ول دھیان اے
دساں جیاں اچ دس ای کلے
پھس گئے چیٹاں وچ کللے
سیلفی نے او پاوٹ بنائے
جھاکے جو چوں کڈھ نسائے
چُنی بگ مڑاسے کھا گئی
وائی فائی سب ہاسے کھا گئی
اج کھادوں دودھ بناندے آں
اج چورناں کتی رلدی اے
بابا اسحاق سہوتہ
No comments:
Post a Comment
Note: only a member of this blog may post a comment.