جدید پنجابی شاعری
کشمیر
جنت دی تصویر دے راکھے
کتھے گئے کشمیر دے راکھے
شہ رگ توں اس پھڑیا ساہنوں
چُپ ساہڈی تقدیر دے راکھے
دشمن سُفنے لُٹ کے لے گئے
ویہندے رے تعبیر دے راکھے
وِیرن کنج چھڑاون قیدوں
جو اپنی زنجیر دے راکھے
مفتی، واعظ، حاکم چپ، تے
حداں دی توقیر دے راکھے
دھرتی ضامن منگدی پئی اے
حیدر دی شمشیر دے راکھے
الطاف ضامن چیمہ
No comments:
Post a Comment
Note: only a member of this blog may post a comment.