حق دا حکم سناون خاطر
میں آیاں ورتاون خاطر
کاں نوں کاں توں دفن کرایا
اس مینوں سمجھاون خاطر
دھرتی وچوں میوے کڈّھے
اوہنے میرے کھاون خاطر
مٹی اگاں دے وِچ سڑ دی
پکے گھار بناون خاطر
پورے پِنڈ نوں جپھی پائی
تینوں سینے لاون خاطر
ربا! ہتھ سلامت رکھیں
اوہدا در کھڑکاون خاطر
سوہنےؐ پتھر کھاہدے ظفری
امت نوں بخشاون خاطر
ظفر اعوان
No comments:
Post a Comment
Note: only a member of this blog may post a comment.