وچھڑ گیاں تے رونا کاہدا
راہے آن کھلونا کاہدا
اکو ای یار رجا دیوے جد
ہور کسے دا ہونا کاہدا
چِٹے دن جس سنہہ ماری اے
اس دا بُوہا ڈھونا کاہدا
جگراتے وِچ میلی ہووے
اس اکھ نوں اے دھونا کاہدا
لیکھاں وِچ جد لخیا ای کجھ نئیں
منتر، جادو، ٹونا کاہدا
نیتوں ای جیہڑا ماڑا ہووے
اس ڈھگے دا جونا کاہدا
ہس کے ملنا لوکاں نوں میں
تھاں تھاں رونا دھونا کاہدا
سہیل مظہر
No comments:
Post a Comment
Note: only a member of this blog may post a comment.