گزار چھوڑی ہے میں حیاتی میکوں سنجاتی
میں ہک سمندر تے خاک پاتی میکوں سنجاتی
طلب تیڈی دی امان وچ بے امن کھڑی ہاں
میں سک دی سدرہ تے چپ چپاتی میکوں سنجاتی
کڈاہیں میں تیڈے حسین خوابیں دا حسن ہامی
اج اپڑیں اندر توں پا ہاں جھاتی میکوں سنجاتی
اٹھائی 28 سالیں کنے مسلسل عذاب وچ ہاں
میں نال تیڈے میڈی حیاتی میکوں سنجاتی
میکوں تاں شاہر اچ عجیب رنگ دے فریب نظرن
میں کھیر دھوتا کھرا دیہاتی میکوں سنجاتی
ہے عین ممکن میں اوہو عابد بلال ہواں
ہنڑیں ہک عابد دا ناں تاں چاتی میکوں سنجاتی
عابد بلال
No comments:
Post a Comment
Note: only a member of this blog may post a comment.