عجب جہی کوئی جہان تے ہونی واپر جاندی اے بندیاں نال
کسے نوں بھانویں بھُل کے وی نہ آیا ہووے جس دا خیال
خبرے کتنے جیوندے بندیاں نوں دفنا دیندے نیں بندے
مڑھیاں تے شمشاناں چُکی پھِردے خبرے کتنے نال
قبر تے بالے دیوے دی لو موئیاں لئی نہیں ہوندی
اوہ تے نھیرا چانن اپنا لے جاندے نیں اپنے نال
قبراں اُتے کھلرے پھُل وی موئیاں لئی نہیں ہوند ے
مرنے والیاں کیہ تکنا اے اکھاں نُوٹیاں ہوئیاں نال
جیوندے جی نہ بھاجی مُکدی نہ ورتن کوئی پورا ہوندا
خالد کیہڑا لے جاندا اے ایتھوں بہیاں کھاتے نال
خالد حسین تھتھال
No comments:
Post a Comment
Note: only a member of this blog may post a comment.