جدید پنجابی شاعری
جھلیا عشق وپار نہیں ہوندا
شرطاں لا کے پیار نئیں ہوندا
بیبا! عشق وپار نہیں ہوندا
شرطاں لا کے پیار نئیں ہوندا
ہاسے دے کے ہوکے لینے
سوکھا کاروبار نئیں ہوندا
منگن جان تے دینی پیندی
سجناں نوں انکار نئیں ہوندا
سجن کنڈ دا کجن ہوندے
یاری بیبا بھار نئیں ہوندا
وسدے ویہڑے یار بتھیرے
اجڑے دا کوئی یار نئیں ہوندا
ساک سکیری رج دی سانجھی
بھکھ دا رشتے دار نئیں ہوندا
ست گز کپڑا پگ نئیں ہوندی
ہر پگ بنھ سردار نئیں ہوندا
الفی او پگ لیر اے جیہدا
سچا اک اک تار نئیں ہوندا
افتخار حسین الفی
No comments:
Post a Comment
Note: only a member of this blog may post a comment.