ونگار
انہاں باراں چوں
انہاں بیلیاں چوں
کوئی کوک مارو
جے جیندے ہو
انہاں کدھیاں توں
انہاں کھواں توں
کوئی سڈ مارو
جے جاگدے ہو
انہاں ماڑیاں چوں
انہاں جھاڑیاں چوں
کوئی للکر دیو
جے وسدے ہو
وت احمد خان اڈیک اچ ہے
وت مراد فتیانہ مرن لگا اے
وت سوجا بدرو پھائے چڑھن لگا اے
وت کرملی دی ما دے وینڑ سنڑو
وت باراں وچ آپوں پھر ڈیکھو
اتھے کالے راج وی بدلے نئیں
وت مال پٹوار دی لٹ ڈیکھو
وت پولیس سرکار دی مار جھلو
وت نت نویں لگان بھرو
وت مردیاں مردیاں نت جیوو
یا لٹ دی شاہی نوں بدل دیوو
وت احمد خان جیہے پتر بنڑو
وت لوک راج دے پہریدار بنڑو
مدثر بھارا
No comments:
Post a Comment
Note: only a member of this blog may post a comment.