جنگ کوئی چنگا کم نئیں لوکو
جنگ تاں بال یتیم کریندی
جنگ تاں ماں کوں رت رویندی
جنگ تاں پیو دا مانڑ مکیندی
جنگ تاں بھینڑ توں ویر کھویندی
جنگ کوئی چنگا کم نئیں لوکو
جنگ تاں خلق دا حشر کریندی
جنگ تاں پٹھے لیکھ لکھیندی
جنگ تاں موت دا مینہ وسیندی
جنگ تاں بھارے بھار چویندی
جنگ کوئی چنگا کم نئیں لوکو
جنگ کوئی چنگا کم نئیں لوکو
جنگ تاں ہاسے کھیڈ مکیندی
جنگ تاں ملخ تے قرض چڑھیندی
جنگ تاں جگ تے حشر مچیندی
جنگ تاں نفرت ہور ودہیندی
جنگ کوئی چنگا کم نئیں لوکو
مدثر بھارا
No comments:
Post a Comment
Note: only a member of this blog may post a comment.