دسو ایہ قیامت نہیں اے
کیہ دساں میں اج دے رولے
بُھکھ دے رولے رج دے رولے
ڈھگی، وچھی، مجھ دے رولے
منصف، قاضی، جج دے رولے
کہڑی کہڑی شامت نہیں اے
دسو ایہ قیامت نہیں اے
حِرص ہوس دی اگ وچ سڑیا
دو یا چار جماعتاں پڑھیا
اِکو نُقطے اُتے اڑیا
فِتنہ وِچ مسیتاں وڑیا
عالم کول امامت نہیں اے
دسو ایہ قیامت نہیں اے
ارشاد سندھو
No comments:
Post a Comment
Note: only a member of this blog may post a comment.