کِنج میں دساں
کِنج میں دساں ربا سچیا
کون اے میری روح چ رچیا
کس دا بھانبڑ اندر مچیا
کیہڑا لاون آندراں پچیا
کیہ کُھنجیا تے کیہ کیہ بچیا
کِنج میں دساں ربا سچیا
کِنج میں بولاں اپنے دل دی
بُھکھ نوں کیہڑی بُرکی مِلدی
کتھوں پاٹی کُڑتی سِلدی
آپ دی کندھ کس گل تے ہلدی
بجھدا پھٹ کیوں رہندی چھلدی
کنج میں بولاں اپنے دل دی
کنج میں آکھاں کیہ نیں بنیاں
کیوں عشقے دی دُھپ وچ کنیاں
کس دے ہتھ جُثے دیاں تنیاں
ٹھیپے ونڈے چاڑھ کے پنیاں
کیہدیاں موڑ کے کیہدیاں منیاں
کنج میں آکھاں کیہ نیں بنیاں
انجم قریشی
No comments:
Post a Comment
Note: only a member of this blog may post a comment.