روٹی اُتے ٹیکس اے مکان اُتے ٹیکس اے
کپڑے دے کلے کلے تھان اتے ٹیکس اے
ودھ گیا کوک تے شیزان اتے ٹیکس اے
سجناں نوں چاہ وی پلان اتے ٹیکس اے
درزیاں توں کپڑے سوان اتے ٹیکس اے
نائی کولوں اُسترا لوان اتے ٹیکس اے
دالاں اتے ٹیکس اے تے کھنڈ اتے ٹیکس اے
ہانڈی وچ گھیئو دے پان اتے ٹیکس اے
امیر جے بیمار اے باہر جا سکدا اے
غریب نوں زندگی بچان اتے ٹیکس اے
جِنا کُو وڈے دے پلازے اتے ٹیکس اے
اینا کُو غریب دی دکان اتے ٹیکس اے
آپ سارا کھا کے ماردے وی ڈکار نہیں
ساڈے تے منہ وی ہلان اتے ٹیکس اے
اے وی ویلا آ گیا اے ہن میرے سجنو
رُسے ہوئے یار نوں منان اتے ٹیکس اے
بندیاں دے موڈھیاں تے میٹر اک لا دیئو
لگ جائے ٹُرن تے ٹران اتے ٹیکس اے
خبردار! ماڑیو، غریبو، گھبراؤ نہ
لگ جان تہاڈے مر جان اتے ٹیکس اے
گل سنو! تسی وی شاعرو لکھاریو
لگ جانا شعراں دے سنان اتے ٹیکس اے
نامعلوم
No comments:
Post a Comment
Note: only a member of this blog may post a comment.