رُت بدلی تے وا دی کُچھڑ، چڑھ گئیاں خُوشبواں
نویں سفر دے سپنے دیکھن، لگ پئیاں خوشبواں
ایس طرحاں دا سُورج چڑھیا، ہرے بھرے رکھ سکے
آ گئے موسم تت بھڑتے، ہُن گئیاں خوشبواں
اوڑک گھر نوں مُڑناں پیناں، گھر ورگا سُکھ کتھے
سفراں دے وچ کدے نہ لبھن، گھر جہیاں خوشبواں
یاداں ڈیرے لائی رکھے، دل دے آل دوآلے
راتیں ساڈے نیڑے تیڑے، ای رہیاں خوشبواں
باغ دِلاں دے ایداں اُجڑے، درد وچھوڑے ہتھوں
جسماں دے رنگ پھکے پے گئے، اُڈ گئیاں خوشبواں
اکرام مجید
No comments:
Post a Comment
Note: only a member of this blog may post a comment.