متراں نوں ماں بولی دیہاڑ دی بدہائی
آ بہہ جا کول پنجابی دے
سن مٹھڑے بول پنجابی دے
تیری اکھ وچ چانن ہووے گا
ذرا ورقے پھول پنجابی دے
مٹھی اے شہد توں ماں بولی
وچ زہر نہ گھول پنجابی دے
وارث، بلھا، حق باہو
ہیرے انمول پنجابی دے
دھرتی توں جان وار دا اے
میں صدقے ڈھول پنجابی دے
اج نال محبت ارشد جی
سب بوہے کھول پنجابی دے
ارشد منظور
No comments:
Post a Comment
Note: only a member of this blog may post a comment.