عارفانہ کلام حمد نعت منقبت
الف میم دے اولے میم وچوں رب بولے
راز توحید کامل مرشد مصطفیٰﷺ کھولے
میم مروڑی تاج الف دا پا نہ وچ وچولے
توں میرے میں تیرے وچوں مک گئے رولے
لک چھپ بٹھے گلاں کر دے ہولے ہولے
الف احد میم محمدﷺ کہڑا کس نوں ٹولے
بند دروازے ایس کوٹھے دے باریاں اولے
نو راہ اس منزل نوں دسواں مرشد پھولے
سمجھ گل ساری اکبر بیبے بن گئے گولے
دو ناں اک دے ہے اک، اک دے لگے میلے
اکبر چشتی
No comments:
Post a Comment
Note: only a member of this blog may post a comment.