متراں نوں ماں بولی دیہاڑ دی بدہائی
دتی ایس پہچان ہے مینوں
ماں بولی تے مان ہے مینوں
اپنی بولی بولدیاں ہوئیاں
گل کہنی آسان ہے مینوں
ایس بولی توں ودھ کے کیہڑا
جگ دے وچ پردھان ہے مینوں
بلھے جیہا کوئی حرف میں آکھاں
ایہوئ اک ارمان ہے مینوں
ایس بولی نوں پیار توں کرنا
ماں دا ایہہ فرمان ہے مینوں
ماں بولی دے پھل کھڑدے نیں
اپنا گھر گلدان ہے مینوں
ایس بولی دا شاعر گوہر
میرے جگ دی شان ہے مینوں
امتیاز علی گوہر
No comments:
Post a Comment
Note: only a member of this blog may post a comment.