جدید پنجابی شاعری
ہور نہیں کوئی آیا دل دے ڈیرے تے
چوری ہوئی تے پہلا پرچہ تیرے تے
ایس واری تے ویہل نئیں لبھی لوکاں توں
اپنے آپ نوں مِلاں گے اگلے پھیرے تے
تک تک پنڈ دیاں سنجیاں کالیاں گلیاں نوں
دِیوا ہو گئی کوئی اکھ بنیرے تے
جھوردا بیٹھا اے کر کے بند پٹاری نوں
سپنی جادو کر گئی اج سپیرے تے
مرشد جان چھڑائی نفس کمینے توں
سپ نوں کیلیا میں جوگی دے ڈیرے تے
قاضی صاحب من گیاں میں تہانوں وی
میرا قتل وی پا دتا جے میرے تے
علی ارمان
No comments:
Post a Comment
Note: only a member of this blog may post a comment.