اس جگ اچ قاسم مردیاں تائیں
دکھ درد ہنڈاونڑیں پوندین
ہتھاں نال جنازے سنگتاں دے
ڈھائیں مار کے چاونڑیں پوندین
تے ہر گل تقدیر دے گل نہ پا
ہتھ پیر ہلاونڑیں پوندین
کجھ رب سائیں لیکھ بنڑا چھڈدا اے
کجھ آپ بنڑاونڑیں پوندین
کل رشوت خور زمانے دے
سدا حج تے گئے ہوئے ہوندین
کھا کھا مال غریباں دا
جُسّے کوجھے تھئے ہوئے ہوندین
بیٹھے ہوندین قاسم کرسی تے
ڈھڈ میز تے پئے ہوئے ہوندین
بے جرم نوں تائیں تاں مار چھوڑیندین
اِنہاں پیسے لئے ہوئے ہوندین
مہر قاسم کلوانہ
No comments:
Post a Comment
Note: only a member of this blog may post a comment.